CAGAYAN DE ORO CITY- Ipaubos sa inquest proceeding sa CIDG-10 si Gango Brgy Kapitan Eleazar Ebonia diha sa Bukidnon ning adlawa.
Kini human unang nasikop sa Martial Law Special Action Group si Ebonia dihang gi-ronda ang iyang pinuy-anan sa maong lugar sa miaging semana.
Gibutyag ni SPO4 Nonito Oclarit,chief investigator sa CIDG-10 nga kasong illegal posssession of explosives ug mga armas ang ipasaka nila batok Ebonia.
Samtang nagdumili si Ebonia kinsa ABC president sa Libona nga mohatag komento kabahin sa iyang pagkasikop.
