CAGAYAN DE ORO CITY – Gipaniguro ni City Mayor Azucena Huervas nga mapugngan ang pagkuyanap sa coronavirus disease sa kabarangayan nga sakop sa Valencia City,Bukidnon.
Kini human nagpadayon ang contact tracing sa negosyante nga brgy kapitan nga unang nagpositibo sa bayrus tungod sa pag-apil sa derby sa Matina,Davao City niadtong Marso ning tuiga.
Miingon si Huervas nga nahinabi niya ang kapitan diin nagtug-an kaniya nga wala kini laing gipamati sa lawas bisan nga positibo sa bayrus.
Gani,gipa-pirma pa nila sa waiver ang brgy kapitan diin may pag-uyon kini nga itug-an ang iyang background bisan sa health privacy law nga ania sa nasud.
Samtang dili na angay isulod sa ospital ang brgy kapitan nga positibo sa coronavirus disease sa Valencia City,Bukidnon.
Miingon si Valencia City Vice Mayor Paul Murillo nga dili makiangayon sa ospital nga dad-on ang maong brgy kapitan ilabina nga walay gipamati sa panglawas.
Dugang sa bise-mayor nga binantayan ang mga lihok sa maong kapitan ingon man ang mga tawo nga ulahi nga naka-uban niini gikan sa pag-uli nga nangapil sa derby sa Davao City sa miaging bulan.
Dugtong niini,gihupay sa nagdumili pagpabutyag sa pangalan nga brgy kapitan ang gibati nga kabalaka sa katawhan sa Bukidnon bisan kon nagpositibo siya sa coronavirus disease.
Miingon ang maong pasyente nga wala siya’y gipamati sa iyang lawas bisan kon natakbuyan sa maong sakit.
Dugang niini nga naka-isolate na kini sa ilang pinuy-anan kuyog ang iyang kapikas subay sa mando sa ilang local govt officials.
