CAGAYAN DE ORO CITY – Daw naibtan sa tunok ang complainants nga gipaboran sa Ombudsman ang sumbong nila batok kang Patag Brgy Kap Mary Cor Calizo ning syudad.
Kini human unang nabulgar nga mipagawas sa sobra 14-mil pesos nga pondo si Calizo nga gipatoo nga gigamit sa road repair sa duha ka zona sa maong brgy sa tuig 2015.
Miingon ang usa sa mga complainant nga si Edna Daanoy nga wala sila’y laing motibo sa pagsumbong kang Calizo gawas nga makapanubag kini sa giingong ghost project sa ilang brgy.
Migawas ang unom ka bulan nga suspension ni Calizo kuyog ang laing duha ka kauban niini sa brgy sa miaging Mayo 8 ning tuiga.
Samtang nagdumili si Patag Brgy Kapitan Mary Cor Calizo paghatag reaksyo sa 6 months suspension nga iyang giatubang sa Ombudsman gumikan sa “serious dishonesty and grave misconduct for the use of funds for road repairs” niadtong tuig 2015.
Gibutyag ni Calizo nga iya nang gisalig sa iyang legal counsel ang paghatag komento sa maong kontrobersiya.
Igo lamang gipamugos niini nga hinimuan kini sa iyang mga kaatbang sa pulitika nga wala maka-move on sa ilang kaparutan sa miaging brgy elections.
Gawas kang Calizo, kabahin usab nga gisuspenso sa Ombudsman si 2015 Brgy Treasurer Romeliano Candawan ug Brgy Kagawad Ricardo Fabre.
Ang maong reklamo ang giduso nila ni Nicolas Pogay, Ronald Acenas ug Daanoy niadtong March 23, 2018.
