CAGAYAN DE ORO CITY – Gisugyot sa liderato sa Association of Brgy Councils o ABC ubos ni Konsehal Alam Lim nga imbestigaran sa konseho si Brgy 31 Diosdado ‘Dodoy’ Wabe ,kanhi brgy kapitan nga karon kasamtangang Konsehal Delia Wabe ug ang tresurero ning syudad.
Kini human nakadawat sa sulat-reklamo si Lim gikan sa laing pipila ka brgy kagawad nga giingong mihimo’g ‘ghost activity’ ang maong mga opisyal gamit ang panalapi sa katawhan sa ilang brgy.
Gibutyag ni Lim nga gihangyo usab niini ang konseho nga matahasan ang Commission on Audit alang sa espesyal nga pag-abli sa mga libro sa brgy kabahin sa kahimtang sa ilang panalapi.
Dugtong usab niini,kanunay’ng bukas ang sibyahan sa Bombo Radyo alang sa padungog sa panig maong mga opisyal nga giakusahan batok sa maong isyu.
