CAGAYAN DE ORO CITY-Natumbok na sa kapolisan ang motorcycle in tandem suspects nga mipusil-patay sa brgy kapitan daplin sa highway sa lungsod sa Maramag,Bukidnon.
Kini human positibo natudlo sa mga testigo ang identity sa mga suspek nga dul-it mipusil sa ulo ni Cuya Brgy Kap Mardi Torregossa gamit ang kalibre 45 nga armas hinungdan sa kamatayon niini.
Gibutyag ni Cuya Brgy Kag Jaime Lictawa nga gitugyan na nila sa kapolisan ang pag-imbestigar ug pagsulbad sa kaso ilabina nga daghan ang milugwa nga anggulo sa hitabo.
Kabahin sa anggulo gi-establisar sa kapolisan ang giingong pagpa-audit ni Torregosa sa giingong milyon pesos nga pondo sa brgy nga nawala sa gisundan niini nga administrasyon.
