CAGAYAN DE ORO CITY- Kasuhan sa pagbaton sa eksplosibo ug illegal nga mga armas ang federation president sa Association of Brgy Council o ABC nga nakabase sa Brgy Gango,Libona,Bukidnon sunod semana.
Kini human nasikop sa CIDG-10 si Gango Brgy Kap Eleazer Ebona,hingkod ang panuigon ug nagpuyo sa maong lugar.
Gibutyag ni SPO4 Noel Oclarit,chief investigator sa CIDG-10 nga gisikop si Ebona tungod sa pagbaton sa mga armas ug eksplosibo
.Nakuha gikan sa suspek ang 5 ka kilo sa ammonium nitrate;M4 rifle;AK-47 rifle;shotgun ug laing lima ka short firearms.
Gironda sa CIDG kuyog ang Task Force Oro ug Libona Police Station ang pinuy-anan ni Ebona subay sa mando sa korte.
