CAGAYAN DE ORO CITY-Mahatagan sa temporaryong kagawasan ang brgy kapitan kon makabayad na sa pyansa balor 120-mil pesos sa giatubang nga kasong grave threat sa korte sa syudad.
Kini human nasikop sa kapolisan si Besigan Brgy Kap Jason Magay,31 anyos,minyo samtang igo ra unta mihapit sa Lumbia Police Station ning syudad kagahapon sa hapon.
Gibutyag ni Lumbia Police Station commander Police Sr/Insp Jerson Estanilla nga gilugwa ni RTC Branch 24 Judge Henry Damasing ang warrant of arrest batok Magay tungod sa reklamo ni Delfin Tantuan nga nagpuyo sa susamang lugar.
Nagdumili na paghatag reaksyon si Magay dihang gi-interbyu sa Bombo Radyo samtang gibalhog sa mini-cell sa Lumbia Police Station.
