CAGAYAN DE ORO CITY-Nakuha sa Barangay Mambuaya ang top place sa gilusad nga Zero Open Defecation competition sa City Health Office (CHO).
Matud ni City Health Officer Dr. Rachel Dilla nga ila kining gihimo aron mapalig-on pa ang ilang kampaniya nga makabaton sa kaugalingong pansayan ang matag panimalay.
Ang Mambuaya ang nakakuha sa papremyo nga P50,000 prize; gisundan sa barangay 7 nga P25,000; ug barangay 1 nga P15,000.
Hisayran nga base sa Joint Monitoring Program for Water Supply, Sanitation and Hygiene of the World Health Organization (WHO) ug United Nations Children’s Fund (UNICEF), 8 percent sa mga Pinoy ang walay pansayan.
