CAGAYAN DE ORO CITY – Walay gahom nga pugson sa Department of Interior and Local Govt o DILG ang partisan brgy officials nga istriktong mosunod sa mga oras nga ting-trabaho diha sa ilang tagsa-tagsa ka kabarangayan ilabina ning panahon sa kampanya sa piliay sa nasud.
Miingon si DILG City Director Edward Bhagwani nga taliwala nga gihimo nang legal sa korte suprema ang pagsilbing partistan sa brgy officials sa mga kandidatong local sa eleksyon,apan adunay dili tataw sa balaod pag-abot sa ilang mga trabaho.
Kini tungod kay mapugos lamang sila magsubay sa istriktong gabayan sa oras ting-trabaho kung sila ubos sa control sa Civil Service Commission.
Hisayrang maoy gikabalak-an sa kadaghanan nga mapasagdan ang trabaho sa mga kapitanes tungod sa ilang pagkuyog-kuyog sa mga kandidato nga mangampanya sa ilang kabarangayan.
