CAGAYAN DE ORO CITY – Angayang mas ma-professionalize ang mga batakang serbisyo nga itunol kaysa pun-an ang tuig sa mga termino sa mga opisyal sa kabarangayan.
Kini ang reaksyon ni kanhi City Mayor Oscar Moreno kabahin sa pasado nang balaodnon sa senado nga himoon nang upat ka tuig ang termino sa kada-opisyal sa brgy.
Miingon si Moreno nga trabaho sa mga magbabalaod ang pagmugna’g mga importanteng mga balaod apan dili angay makompromiso ang mga gimbuhaton nga dugay nang nakahan-ay.
Siya miingon nga kon mahingpit ang maong balaodnon,nagkahulugan kini nga masibog na usab ang brgy ug sk elections nga una nang gimando sa korte suprema nga dili na ibalhin-balhin ang petsa niini.
