CAGAYAN DE ORO CITY-Ipaubos sa Commission on Elections o Comelec sa briefing ang tanang kandidato sa Brgy ug SK elections sa nasud.
Miingon si Comelec spokesperson James Jimenez nga katuyuan niini nga mahatagan sa ideya ang maong kandidato sa angay buhaton ug kon unsa’y limitasyon samtang mohimo’g pagpangampanya sa mga barangay niini.
Gibutyag ni Jimenez nga kabahin sa highlight unya niini ang pagpirmahay sa mga kandidato sa kasabutan nga mohimo sila sa kampanya nga nasubay sa balaod sa piliay.
Hinoon,mag-agad ang maong kalihukan sa nagkadaiyang regional directors kon kanus-a nila ilusad sa mga area of responsibility niini ning tuiga.
Kini tungod kay gihulatan pa ang petsa nga hingpit makaduso sa sertipiko de kandidatura ang brgy ug SK aspiring candidates sa Mayo 14 nga piliay sa nasud.
