CAGAYAN DE ORO CITY – All-set na ang Commission on Elections alang sa resumption sa mga tawo nga gusto magpa-rehistro alayon sa umaabot nga brgy ug sk elections sa nasud sa Disyembre 5 ning tuiga.
Miingon si kanhi Misamis Oriental ug karon Bukidnon Provincial Election Supervisor Atty Alile Ramirez nga sugdan ang pagbukas sa ilang mga buhatan sugod ning adlawa.
Siya miingon nga kanunay sila nga nangandam taliwala nga gusto sa Kongreso nga isibog ang piliay tungod sa laing dako nga gasto sa panalapi sa kagamhanan.
Dako ang tsansa nga masibog ang brgy ug sk elections sa sunod tuig.
Samtang naka-pokus karon ang Police Regional Office 10 sa paggukod sa mga tawo nga nagbaton sa ‘loose firearms’ o ilegal ng mga armas nga nagkatag dinhi sa rehiyon.
Kini sa tuyo nga maubsan ang tsansa nga dunay matigayong dugu-on nga hitabo kon ugaling mahitabo ang kampanya sa brgy ug sk elections ning tuiga.
Gibutyag ni PRO 10 spokesprson Lt Col Michelle Olaivar nga dili nila suliran ang private armed groups kay wala na’y naglihok niini dinhi sa Northern Mindanao.
Apan maoy ilang target sa mga paglusad sa random road checkpoints kadtong mga indibidwal nga nagbaton sa ilegal nga mga armas ug ubang kontrabando nga ikapiligro sa piliay sa brgy.
