CAGAYAN DE ORO CITY-Mahidangat na ang election paraphernalia gikan sa central office sa Comelec nga kabahin sa gamiton sa Brgy ug SK elections dinhi sa rehiyon sunod semana.
Kini human kumpirmaha ni Comelec regional director Atty Reynato Magbutay nga anaa na sila sa 80 porsiento sa kaandam sa pagpahigayon sa piliay sa Mayo 14 ning tuiga.
Miingon si Magbutay nga subli usab sila mohimo’g command conference kauban ang kapolisan ug militar aron ilhon na ang mga lugar nga ikonsiderar nga anaa sa area of immediate concerns.
Nasayran nga sugdan pagdawat sa Comelec ang sirtipiko de kandiatura sa mga kandidato sa Abril 14 hangtod 21 ning tuiga.
