CAGAYAN DE ORO CITY-Patay ang brgy tanod human pusila sa miembro sa Cafgu gamit ang M-16 rifle samtang nanan-aw sa amateur singing contest sa Brgy Cauyunan,Opol,Misamis Oriental kagabii.
Giila ang biktima nga si Faustino Castillon,58 anyos,minyo ug nagpuyo sa maong lungsod.
Sumala sa kapikas ni Faustino nga si Adelina Castillon nga gikan nag-inom ang Cafgu member nga si Toto Habin kuyog ang mga kauban niini dihang nahitabo ang panagbikil diin nag-resulta sa pagpamusil.
Nakaangkon sa pipila ka samad ang ulo ug lawas sa biktima hinungdan sa kamatayon niini pag-abot sa Northern Mindanao Medical Center.
Gawasnon pa ang suspek human mahitabo ang kremin.Nasayran nga nadestino sa military base o detachment si Habin diha sa Brgy Tumpagon ning syudad.
