CAGAYAN DE ORO CITY – Mohimo ang Commission on Elections sa mga pagbisita sa pipila ka kabarangayan ug mga tunghaan alayon sa subling gibuksan nga voter’s registration alang sa katawhan sulod sa kapin usa ka bulan.
Miingon si Provincial Election Supervisor Atty Carlito Ravelo nga epekto kini sa ubos kaayo nga turnout sa voter applicants nga nagpa-rehistro dinhi sa syudad ug lalawigan kagahapong adlawa.
Namahayag si Ravelo nga sa unang adlaw sa pagpang-rehistro,anaa lamang sa 367 ang nalista sa kalungsuran sa Misamis Oriental nga naglakip sa tulo ka mga syudad niini.
Nagpasabot nga mitigbabaw gihapon ang ‘mañana habit’ sa katawhan tungod kay motibawas ang voter’s registration didto pa man sa Enero 31 sunod tuig.
Una nang gibutyag ni Comelec chairman Atty George Garcia sa interbyu sa Bombo Radyo Philippines nga target nila mapun-an sa tres milyones nga bag-ong mga botante alang sa mga sunod nga eleksyon sa nasud.
