CAGAYAN DE ORO CITY, Philippines – Nanghunaw si Police Regional Office – 11 Director Brigadier General Nicholas Torre III sa kompirmasyon sa pagsikop sa pugante nga si Pastor Apollo Quiboloy, didto sa Davao City.
Sa pagkorner sa media kang Torre, personal kining mi-apelar nga si DILG Secretary Benhur Abalos nalang ang mokompirmar sa report.
Bisan wala kompirmaha, mipadayon sa pag-ingon ang direktor nga dili niya gustong suluhon ang “credit” sa pagdakop sa pugante ilabe na nga halos duha ka semana ang ilang pagpangita kaniya sulod sa 30 ektarya nga gilapdon nga compound sa Kingdom of Jesus Christ (KOJC).
Kahinumduman nga niadtong Biyernes, sa gilusad nga hearing sa Senate Committee on Justice and Human Rights, personal nga mi-apelar si Committee Chairman Senador Ronald ‘Bato’ Dela Rosa sa kampo ni Pastor Quiboloy nga mutahan na sa mga otoridad, ilabe nga misaad ang PRO-11 nga hatagan kini sa igong seguridad.
Sa pikas bahin, dugay nang misitar sa kondisyon ang legal counsel ni Quiboloy nga kung siya musurrender, kinahanglan ipasalig ni Presidente Ferdinand Marcos Jr., nga dili siya ihatag sa mga kapulisan sa Estadus Unidos.
Niadtong Pebrero 2022, gipagawas sa FBI ang federal warrant aron arestohon ang pastor tungod sa iyang kasong conspiracy to engage in sex, sex trafficking by force, fraud and coercion, sex trafficking of children; ug bulk cash smuggling.
