CAGAYAN DE ORO CITY – Mohimo sa nationwide simultaneous prayer rally ang mga solid supporter ni kanhi Pres Rodrigo Duterte sa dakbayan ugma sa hapon.
Kini agi’g padayon nga pagsuporta kang Duterte nga gibilanggo sa International Criminal Court o ICC didto sa Hague,Netherlands tungod sa kasong crime against humanity epekto sa war on drugs campaign sa iyang unom ka tuig nga pagpdagan sa Pilipinas.
Miingon ang su-od nga higala ni Tatay Digong nga si 2nd District Cong. Girlie Balaba nga magtapok una ang mga partisipante sa Rodela Circle ug gilayong sundan sa solidarity walk padulong sa amphitheater sa Plaza Divisoria ning syudad.
Siya miingon nga bukas ang ilusad nila nga ‘Bring Him Home’: A Prayer for Tatay Digong alang sa mga gusto moduyog sa pagpadayag sa suporta nga gikinahanglan pag-ayo ni Duterte samtang detinado sa ICC detention facility.
Dili kini ang unang tigom nga mi-aktibo ang mga taga-Cagayan de Oro apan daghang kalihukan na aron paluyuhan ang kasamtangang hagit nga giatubang ni Duterte nga binuhatan sa iyang mga kontra sa politika gamit ang isyu sa war on drugs.
