Gianunsyo ni British Prime Minister Keir Starmer nga ang Britanya mag-host sa international summit karong semanaha aron mabalik ang luwas nga pagbiyahe sa mga cargo ship sa Strait of Hormuz.
Miingon si Starmer nga si Foreign Secretary Yvette Cooper mao ang manguna sa miting uban sa mga international leaders aron matubag ang epekto sa Middle East conflict sa ekonomiya.
Gitataw ni Starmer nga dili mosulod ang Britanya sa giyera ug ang labing epektibong paagi mao ang pag-de-escalate ug pag-reopen sa Strait of Hormuz.
Gibutyag usab sa opisyal nga tanang diplomatic avenues gi-explore aron makab-ot ang kalinaw ug kaluwasan sa dagat.
Mipasidaan si Starmer nga ang pressure sa ekonomiya magdepende sa dugay sa tensyon ug sa paspas nga reopening sa Strait.
Sa laing bahin, si U.S. President Donald Trump miingon nga dili pa siya andam nga bawi-on ang suporta militar sa U.S. ug nanawagan sa mga alyado nga mas mudako ang papel sa pagpugos sa Iran nga ablihan pag-usab ang kritikal nga agianan sa lana ug fuel.
