Gi-aresto sa mga sakop sa California Highway Patrol ang singer nga si Britney Spears. Subay sa report, nagmaneho ang singer nga nakainom sa ilimnong makahubog.
Hinoon, napagawas ra dayon si Spears sa pagkakadlawon sa Huwebes. Tungod sa iyang pagkasikop, gikondisyonan kini nga mutambong sa Ventura County Superior Court sa Mayo 4 aron dunggon ang iyang laing kaso.
Mahinumduman nga niadtong tuig 2007, napasakahan gihapon sa misdemeanor charges ang singer human siya gi-akusahan nga mi-hit and run sa nakaparking nga sakyanan sa Los Angeles.
Hinoon naareglo ra ang kaso ug nabayran sa singer ang damyos. Una nang mitumaw ang report nga nag-atubang sa mental health problem ang singer ug gikuhaan sa kustodiya sa duha niya ka anak gikan kang Kevin Federline tungod sa insidente sa sobra nga pag-inom sa alkohol ug nahimong adik sa ilegal substances.
