CAGAYAN DE ORO CITY – Gidala na sa punerarya ang usa ka British national nga nakaplagan-patay sa girentahan niini nga apartment sa Brgy. 25 ning syudad kaganihang buntag.
Giila ang maong British national nga si Patrick Stephenson, 75 anyos ug dugay na nga gabalik-balik dinhi sa Pilipinas.
Sa pakighinabi kay Maam Mikee, kinsa ang landlady sa girentahan nga apartment, posible nga natural death ang hinungdan sa kamatayon niini.
Matud pa, namatikdan na lamang nila nga wala na’y kinabuhi si Stephenson sa pagsulod nila sa lawak niini nga namuti na.
Gitoohan usab nga adunay sakit nga gihambin ang biktima ingon man nakarekober ang mga otoridad ug maintenance nga tambal para sa highblood.
