LATVIA – Giyukbuan ni Gilas Pilipinas head coach Tim Cone si Justin Brownlee.
Kini tungod kay ang resident import sa Barangay Ginebra Kings sa PBA ug naturalized player sa Gilas, mipakita sa iyang impresibong performance sa FIBA Olympic Qualifying Tournament didto sa Riga, Latvia.
Miingon si Cone nga haum kaayo ang paghulagway kaniya ni Kai Sotto nga “Micheal Jordan ng Pilipinas”.
Nahimong consistent ang iskoring ni Brownlee taliwala nga on and off ang shooting percentage sa ubang Gilas Pilipinas.
Namahayag si Cone nga musikat pa si Brownlee kung nakuha kini sa NBA.
Si Brownlee kasamtangang dunay 27 average per game nga puntos, 8.5 rebounds ug 8.6 assists sulod sa duha ka dula sa Gilas batok sa Latvia ug Georgia.(Bombo Anne Quileste).
