Nagatoo si Nestor Banuag Jr. sa National Citizens’ Movement for Free Elections (NAMFREL) Cagayan de Oro–Misamis Oriental nga ang Barangay ug Sangguniang Kabataan mao ang pinakabatakang lebel sa gobyerno ug direkta nga adunay panlantaw sa adlaw-adlaw nga kinabuhi sa katawhan, maong mas angay kini tutokan ilabi na sa panahon sa krisis.
Matod pa ni Banuag, ang mga isyu sama sa baha, basura, ug kriminalidad mas sayo masinati sa barangay, busa sa lokalidad pa lang daghan na ang dapat hatagan og atensyon imbes nga magpokus lamang sa nasyonal nga mga diskusyon.
Dugang pa niya, dako ang papel sa lokal nga liderato sa pagdumala sa serbisyo ug pagsulbad sa mga problema sa katawhan, maong importante usab ang husto nga pagtan-aw sa kahimtang sa barangay.
Tungod niini, giingon ni Banuag nga ang diskusyon sa pagpostpone sa BSKE elections kinahanglan magbase sa tinuod nga kahimtang sa komunidad ug sa direktang epekto niini sa katawhan, ug dili lamang tungod sa krisis.
