CAGAYAN DE ORO CITY – Naniguro ang Commission on Elections o Comelec nga dili mausik ang ilang nahuptang pondo alang sa nabutang sa alanganin nga paglusad sa brgy eleksyon ning tuiga.
Kini human pabiling wala pa’y hukom si Pres Bongbong Marcos kung iyang pirmahan o e-veto ang balaodnon sa kamara ug senado nga nagtumong pagsibog sa piliay sa brgy sa sunod tuig.
Miingon si Atty. Joel Dexter Nagtalon,1st district officer sa Comelec-Cagayan de Oro nga nahukman sa komisyon nga isibog ang registration period sa katapusang semana sa Oktobre ning tuiga.
Kini sa tuyo nga kalikayan nga mabutang sa atrasado nga kahimtang ang ilang preparasyon.
Hisayrang miani sa pag-uyon ug pagsupak ang tinguha sa mga magbabalaod nga isibog ang piliay taliwala sa mando sa korte suprema nga dili na kini ibalhin pa.
