CAGAYAN DE ORO CITY-Gidungog na sa BSP-Central Office ang sulat-hangyo sa PCG-10 kabahin sa legalidad sa salapi nga ilang nabawi gikan sa UCPB nga tuyo ipalusot padulong sa Cebu City sa miaging bulan ning tuiga.
Kini human gibutyag sa BSP nga gitakdang tukion sa ilang kadagkuan kon ilegal o dili ang pagpagawas sa UCPB sa P38 milyon nga pondo gikan sa syudad padulong Cebu City nga gisakay lamang sa barko.
Gibutyag ni PCG Deputy District Commander Troy Cornellio nga hayan sunod semana,masayran na ang ensakto nga pagkustodiya sa maong salapi nga gidudahan nila nga ilegal ang pagpagawas
niini.
Samtang gi-welcome sa kadagkuan sa UCPB ang gihimo nga lakang sa BSP-Central Office nga gihatagan na’g aksyon ang
sulat sa PCG-10 kabahin sa ilang salapi nga nabawi sulod sa pantalan ning syudad sa miaging Hunyo ning tuiga.
Gibutyag sa legal counsel sa bangko nga si Atty Alvin Calingin nga dugay na nila nga gihulat mauli ang maong salapi ilabina nga dako na ang ilang nahimo nga pagkalugi niini.
Subli,namugos si Calingin nga walay ilegal sa ilang pagpagawas sa maong pondo kay normal lamang kini alang kanila.
