CAGAYAN DE ORO CITY – Luwas ra ang mga magtutudlo ug mga tinun-an sa nabalitong nga trak sa Brgy Sibantang,Talisayan,Misamis Oriental.
Sumala sa nadawat nga impormasyon ni Misamis Oriental Police Provincial Director Col Wilbur Salaguste gikan sa Talisayan Municipal Police Station nga padulong sa jamboree ang mga biktima dihang nawad-a’g control ang forward truck epekto sa pagka-disgrasya niini.
Gikan sa elementarya,junior ug senior high school sa Brgy Sta Ines ang mga biktima nga gilangkuban sa girl ug boy scout members alang unta sa kalihukan dihang nakasugat na hinoon sa disgrasya.
Gilayong gipangdala sa ospital ang mga biktima kuyog ang nagmaneho sa truck nga si Konsehal Nestor Cabotaje epekto sa mga bun-og nga ilang nadawatan.
Hinoon,walay grabeng mga bun-og ug samad sa kalawasan ang mga biktima dihang natumba ang sakyanan.
