Milagda ang Bangko Sentral ng Pilipinas (BSP) sa bulag nga information sharing agreements (ISAs) tali sa National Bureau of Investigation (NBI), Cybercrime Investigation and Coordinating Center (CICC), ug Securities and Exchange Commission (SEC). Ang mga kasabutan gituyo aron tugotan ang subay sa balaod nga pagpa-ambit sa kompidensyal nga impormasyon sa pinansyal nga account aron suportahan ang mga imbestigasyon batok sa mga scam ug may kalabutan sa uban pang kaso sa paglapas sa pinansyal nga aspeto. Girepresentar ni BSP Governor Eli Remolona, Jr., BSP General Counsel Roberto L. Figueroa ang pagperma sa kasabutan sa BSP Head Office sa Manila. Mitambong usab si NBI Acting Director Angelito DLP. Magno, CICC Executive Director Renato A. Paraiso, ug SEC Chairperson Francisco ED. Lim. Nagtoo si Figueroa nga ang kalampusan sa ISAs, dili masukod sa mga dokumento lamang, apan pinaagi sa mga imbestigasyon nga gipalig-on, mga kaso nga nasulbad, ang mga risgo gipagaan, ug ang kadaot gipugngan. Sa kinatibuk-an, ang ISAs nagpalig-on sa inter‑agency coordination batok sa mga financial account scam, nagpalambo sa investigative capabilities kontra sa cyber‑enabled fraud, ug nagpalig-on sa kolektibong paningkamot sa gobyerno aron maprotektahan ang publiko batok sa financial crime.
