Dili na subli magtigom ang bicameral committee aron tuki-og balik ang nauyunan nga P6.5 trillion budget nga gipangayo ni Pres Bongbong Marcos.
Miingon si House Deputy Speaker David Suarez nga natagbaw sila sa pagtuki sa maong komitiba rason nga gipalabang na nila ang general appropriations bill o GAB aron aprobahan ni Pres Marcos.
Siya miingon nga misubay sa ensaktong proseso ang pagpalabang sa pondo sunod tuig sukwahi sa gipamugos sa mga kritiko sa administrasyon.
Hisayrang kontrobersyal ang pagpalusot sa bicam sa gipangayong pondo ni Marcos kay daghan sa mga ahensiya ang gipangkuhaan kay gipangbalhin sa mga opisina nga wala gani kinahanglana.
