CAGAYAN DE ORO CITY – Alayon sa preventive measure ug health advisory guidelines nga gilugwa sa Department of Health, na-uyunan sa Bombo Radyo Philippines Network nga ihinayon ang Barangay Draws sulod sa mga istasyon sa Bombo Radyo ug Star FM.
Tumong niini nga ma-protehiran ang mga staff ug mga entrante batok sa bayrus nga dala sa COVID-19.
Ang pagkansilar sa Barangay Draw sa Buena Mano Salvo Promo matag Sabado, gisubay usab sa hangyo sa departamento sa panglawas kalabot na sa social distancing aron makalikay sa pagtinakdanay sa sakit.
Karong adlaw’ng Sabado, bulahon ang napulo ka mga winners sa tag P1000 sulod sa istasyon.
Laing special draw usab ang himoon alang sa 10 ka mga swerteng winners sa SMB/Gold Eagle Beer, kundiin ang mga winners makadawat sa ilang specially marked 130th years Tshirts.
Aron makatambong sa maong special draw, ang mga entrante gi-awhag nga magtigom sa lima ka tansan ug isulod kini sa puti nga envelop.
Sa gawas nga bahin sa envelop isulat ang inyong ngalan, address ug signature.
Magsugod ang draw alas 3 sa hapon.
Ang mga winners gihatagan lang kutob alas 5 sa hapon sa adlaw’ng Martes sa pag-claim sa ilang cash prize.
Pagdala lang sa inyong duha ka balidong ID.
