Gisaysay ni Bugo Punong Barangay Spencer Cailing ang makasubo nga kasinatian sa iyang mga gingsakopan sa Brgy. Bugo atol sa Bagyong Basyang nga nasinati sa syudad sa miaging semana.
Miingon si Cailing nga mao kini ang rason nga mismo siya, isip kapitan sa barangay, aktibong nangunay sa pagrescue sa iyang mga katawhan.
Gisaysay usab niya ang iyang buhis-kinabuhi nga paningkamot sa pag-apil sa rescue operations, diin matod pa niya, sa dihang nagtabang siya ug nagluwas sa usa ka 2-anyos nga bata, nasuyop siya sa kusog nga sulog sa tubig baha ug abi niya katapusan na sa iyang kinabuhi.
Mapasalamaton matod pa ang punong barangay sa mga tabang nga gipaabot sa City Government ug labi na sa kahitas-an, tungod kay wala matod pay kinabuhi nga nawala atol sa maong hitabo sa ilang barangay. (JAMES OLIVER)
