CAGAYAN DE ORO CITY -Napugos pagbakwit ang daghang pamilya gikan sa pipila ka bahin sa Brgy Bugo epekto sa bagyong Verbena nga unang nag-landfall sa Caraga Region apan naghatag sa walay hunong nga pag-ulan sa Misamis Oriental ug Cagayan de Oro.
Kini human unang kabahin ang Northern Mindanao provinces nga ubos sa signal no.1 rason nga kanselado ang mga biyahe sa barko ug lupad sa mga eropano.
Mismo si Bugo Brgy Kapitan Spencer Cailing ang mihimo sa pagpatrolya sa porsyon sa sa ilang lugar nga nabahaan kagabii.
Kasamtangang gipahimutang ang mga apektadong pamilya sa mga covered court nga wala maabti sa tubig-baha.
Dumduman nga pinakaunang brgy ang Bugo nga nagkanselar sa mga klase sa tanang level sa tunghaan epekto sa dautang panahon nga dala sa bagyo kagahapon sa buntag.
Hisayrang kasamtangang walay klase sa primarya ug sekondarya sa dakbayan karong adlawa.
