Nanawagan sa konseho ug sa Road and Traffic Administration kon RTA ang Bugo Tricab Association nga mahatagan og pagtugot ang ilang biyahe paingon sa National Highway ug Puerto.
Gipasabot sa pangulo sa grupo nga si Armando Villaflor nga gikinahanglan kaayo sa ilang mga pasahero ang maong rota tungod kay didto nahimutang ang mga dako nga commercial center samtang ang Bugo ug Bugo Public Market walay igo nga pasilidad alang niini.
Gipunting usab ni Villaflor nga nagpaabot sila karon sa desisyon sa Committee on Public Utilities sa dakbayan aron mapasilitar ang ilang hapsay ug legal nga operasyon.
Tungod niini, malaumon ang ilang grupo nga hatagan sila og higayon sa lokal nga panggamhanan nga makabiyahe sa maong dapit aron matabangan ang ilang panginabuhian.
