CAGAYAN DE ORO CITY, Philippines – Gidawat ni Davao City 1st District Rep. Paolo Duterte ang hagit nga hair follicle drugtest nga hagit ni PBA Party-list Rep. Margarita Nograles, kinsa nagsilbi niyang kaatbang sa iyang re-election bid isip kongresista sa ilang syudad.
Mi-angkon si Duterte nga dugay nang dili managhigala ang pamilya Nograles sa Davao kay si kanhi Congressman Propero Nograles ang utok sa pagtawag kaniya isip drug lord, drug smuggler ug drug addict niadtong buhi pa.
Mibutyag ang kongresista nga iyang amahan nga si kanhi Presidente Rodrigo Duterte, ug ang mitaliwa nga amahan sa mga Nograles ang managhigala, ug wala sukad nakutay ang maayong relasyon sa mga anak sa duha ka pamilya.
