CAGAYAN DE ORO CITY -Posibleng mapuslan na sa katawhan ang halos 3 bilyones pesos nga balor sa airport nga makabase sa Barangay Maraymaray,Don Carlos,Bukidnon sa tuig 2025.
Kini ang paghatag kasayuran ni Civil Aviation Authority of the Philippines 10 Area Manager Engr Job de Jesus sa pag-atubang niini sa local media pinaagi sa Philippine Information Agency 10 ning syudad.
Namahayag si De Jesus nga daghang bahin na sa tugpahanan ang natibawas na rason nga dili na madugay ug kini magamit na sa mga pasahero nga nakabase sa maong probinsya.
Siya miingon nga may gipuno pa ang national government nga 320 milyones pesos nga pondo aron magamit sa dugang katukuturan ug paghuman sa ubang pasilidad nga gikinahanglan sa tugpahanan.
Ang Bukidnon airport ang magsilbing ikaupat unya nga tugpahanan nga nagsunod sa Laguindingan,Misamis Oriental,Camiguin Province ug Misamis Occidental nga pulos nakabase sa Northern Mindanao.
