CAGAYAN DE ORO CITY – Nawad-an sa kahigayunan ang Northern Mindanao based boxer nga si Robert “Inggo” Paradero nga garbo sa Malaybalay City,Bukidnon nga makabaton sa tsansa nga makuha ang bakanteng bakus sa World Boxing Federation mininumwieght division sa Port Elizabeth,South Africa sa Hunyo 27 ning tuiga.
Kini human wala ikasinabot sa manager ni Paradero nga si Dr Toto Sajulga ang pikas kampo nga bayran una ang mga boksidor ayha ang bahug-bahog sa mga kinomo.
Kini ang hinungdan nga misibog ang kampo ni Paradero ug mao na’y ikasangka ni South African boxer Thembelani ‘Guitarman’ Okolo ang laing Pinoy boxing title holder nga si Clyd Azarcon nga gikan sa Davao City.
Nagtoo si Sajulga nga nahadlok ang kampo ni Okolo nga ikasangka si Paradero hinungdang wala mosugot nga unahon pagsulbad ang obligasyon niini.
Samtang suportado usab ni Games and Amusement Board chairman Abraham Mitra ang pag-atras sa boksingero nga gikan sa Bukidnon.
Si Okolo ang nagbaton sa 9 ka daug,5 pildi,5 knockouts samtang si Azarcon ang dunay 17 ka daug,3 pildi,6 knockouts ug si Paradero ang kasamtangang naghawid sa 18 ka daug,1 pildi ug 12 ang knockouts.
