CAGAYAN DE ORO CITY – Giimbestigaran sa kapolisan kon sa kinsa ang mga suspek ug unsa ang motibo sa pagpatay sa brgy kagawad diha sa Purok 1, Brgy Minsalirac, Quezon Bukidnon.
Gibutyag ni Police Major Mitchel Clemencio,hepe sa Quezon Police Station nga intensyon sa suspek nga patyon si Minsalirac Brgy Councilor Renato Etulle, 51-anyos kinsa nakaangkon sa daghang samad pinusilan sa iyang lawas.
Siya gipusil sulod sa iyang panimalay samtang nagtindog sa ilang kusina.
Kabahin sa giimbestigaran nga motibo sa krimen ang aktibo nga pagpa-apil apil sa biktima sa mga rally batok gobyerno ug ang giingoong pagbaton niini’g koneksyon sa rebeldeng New People’s Army.
