CAGAYAN DE ORO CITY – Walay natala kadaot sa katawhan ug kabtangan ang kusog nga linog nga mitay-og sa dakong bahin sa Mindanao kagabii.
Kini human gikompirmar ni Phivolcs regional director Marcial Labininay nga tectonic in origin ang 5.3 magnitude nga linog diin mitala ang sentro sa Makilala,North Cotabato.
Gani, gibutyag niini nga nabati usab ang pagtay-og sa pipila ka lungsod sa Bukidnon,Misamis Oriental ug Cagayan de Oro City nga intensity 2 ingon man sa Cagayan de Oro.
Nagpahimangno ang ahensiya sa publiko nga magbinantayon ug mag-alerto batok na sa aftershocks kon ugaling motay-og ang usa ka kusog nga linog.
