CAGAYAN DE ORO CITY – Subling gihimakak ni Bukidnon Gov. Rogelio Roque nga siya ang naghingusog nga makasuhan sa kasong pagpanglugos si Pangantucan Mayor Miguel Silva Jr sa korte.
Kini human akusahi sa detinadong mayor si Roque nga utok sa political harassment aron maglisod si Silva sa pakig-atbang kaniya sa pagka-gobernador sa May 12 elections sa Bukidnon.
Miingon si Roque nga imposible ang pasangil sa mayor kay anak sa iyang katabang sa balay ang gihimuan niya sa maong kremin sa tuig 2024.
Siya miingon nga igo na lang kini nga nagmando sa Provincial Social and Welfare Department o PSWD aron maabagan ang pamilya sa biktima kay miduol man kaniya ang mga otoridad kay nagpatabang sa seguridad sa menor de edad nga giingong biktima sa linu-og nga binuhatan.
Si Silva ang naka-kustodiya na sa prisohan human nadakpan sa iyang pagtagu-tago didto sa Compostela,Davao de Oro sa miaging gabii.
