CAGAYAN DE ORO CITY-Gimando karon ni Ombudsman Conchita Carpio Morales ang hingpit pag-suspenso kang Bukidnon Gov Jose Maria Zubiri sulod sa 6 ka bulan.
Kini human ibasura ni Morales ang motion for reconsideration o MR ni Zubiri aron dili ihinayon ang pag-suspenso kaniya sa kasong administratibo nga giduso sa kanhi empleyado nga si Carlos Ycaro.
Si Morales miingon nga walay bag-o sa argumento ni Zubiri hinungdan gimando niini sa DILG ang pagsuspenso una kaniya sa puwesto.
Si Ycaro napugos pagkaso kang Zubiri kay wala siya tugti maka-avail sa terminal leave application niadtong tuig 2013.
Si Ycaro ang kanhi hepe sa general services dept sa Bukidnon atol sa pagduso’g kaso batok Zubiri sa Ombudsman.
