CAGAYAN DE ORO CITY-Ipatawag ni Talakag Mayor Verhito Factura ang 19 ka brgy kapitanes aron hisgutan ang kahimtang sa ilang seguridad sa lungsod.
Kini tungod sa kalisang nga gibati sa katawhan epekto sa pagpanghasi sa 200 ka rebeldeng New People’s Army o NPA sa maong lungsod.
Gibutyag ni Factura nga gikakurat nila ang gihimo sa mga rebelde ngadto sa kanhi bandido nga si Lito Atoy ilabina nga dugay na kining nagbag-o.
Una nang gibutyag sa wala nagpaila nga NPA kumander sa eksklusibong interbyu sa Bombo Radyo nga dagha’g sala si Atoy hinungdan nga ila gisilotan sa kamatayon.
