(Update) CAGAYAN DE ORO CITY-Gikompirmar karon ni Kalilangan Mayor Omaraji Pizzaro nga mismo ang ilang bag-o nga sangguniang bayan building ang nadamyos tungod sa magnitude 6 nga linog nga miigo sa Kalilangan,Bukidnon kaganihang kadlawon.
Gibutyag sa Bombo Radyo ni Pizzaro nga gipasirad-an una niini ang maong gambalay kay nangabuak ang mga samin nga epekto sa maong linog.
Gibutyag ni Pizarro nga wala usab niini paagi-i sa mga bug-at nga sakyanan sa usa ka tulay nga natay-og ang istraktura.
May usa national highway usab nga nagkutay sa ilang lungsod ngadto sa ubang kalungsuran nga naliki tungod sa hitabo.
Sa pagkakaron,padayon ang assessment sa mga otoridad sa maong linog.
Hinoon,walay tawo nga naapektuhan bisan nga may mga balay nga nakasinati’g damyos ang ilang mga kabtangan.
