CAGAYAN DE ORO CITY – Gikompirmar sa Department of Health o DoH-10 nga nadugangan ang kaso sa Covid-19 sa tibook Northern Mindanao.
Miingon si DoH-10 Regional Director Dr Adriano Subaan nga maoy nakadugang ang usa ka pasyente nga naggikan sa Misamis Occidental ug usa nga taga-Valencia City, Bukidnon.
Samtang gi-anunsyo usab niini nga anaa sa 12 ka patients under investigation ang nag-negatibo sa laboratory test diin walo niini ang gikan sa Cagayan de Oro City; usa sa Misamis Oriental; usa sa Misamis Occidental ug usa sa probinsya sa Bukidnon.
Upat na ka Covid-19 patients ang kasamtangang naka-confine sa NMMC.
Una nang gibutyag ni Gov Philip Tan nga mitala na’g duha ka positibo kaso ang Misamis Occidental diin ang usa naka-confine diha sa Northern Mindanao Medical Center.
Samtang gimonitor sa NMMC ang kahimtang sa panglawas sa mag-amahan nga taga Lanao del Sur human magbaton sa sintomas sa Covid-19.
Kini gilakipan sa 56-anyos nga lalake ug 16-anyos nga babaye kinsa kapikas ug anak ni patient 598 nga unang nag-negatibo sa bayrus.
Miingon si NMMC hospital director Dr. Jose Chan nga kinahanglang ipaubos nila sa laing testing ang duruha.
Kini gumikan kay naghatag kalibog sa ilaha ang sunod-sunod nga resulta nga miabot sa ospital nga nagbutyag nga negative na ang amahan apan positive ang anak ug kalit na usab nga nag-negative ang 16-anyos nga pasyente.
Hisayrang bugtong ang Misamis Oriental na lamang ang walay positibong kaso sa bayrus dinhi sa rehiyon.
