CAGAYAN DE ORO CITY – Gikasubo sa mga residente ang gi-isyu nga show cause order sa Department of Interior and Local Government batok kang Bukidnon Gov. Jose Maria Zubiri.
Kini gumikan sa nahimong kasupakan sa opisyal sa pagpatuman sa enhanced community quarantine guidelines nga gi-isyu sa national govt.
Gibutyag ni Bukidnon Provincial information officer Hansel Echavez nga nakurat ang katawhan sa aksyon nga gihimo sa ahensiya ilabina nga igo lamang gisiguro sa gobernador ang kaluwasan sa mga residente batok Covid-19.
Napadala na ni Zubiri ang iyang tubag sa kauluhan ug masaligon nga masabtan ang iyang paningkamot batok sa bayrus.
Una nang gimanduan ni DILG Sec Eduardo Año ang duha ka gobernador ug upat ka mayor kon nganong dili sila angayang kasuhan sa administratibo gumikan sa negligence, dereliction of duty, ug pagsupak sa Bayanihan Act.
