CAGAYAN DE ORO CITY-Giimbestigaran sa mga otoridad ang pagpang-ambush-patay sa board secretary sa Brgy Cuya,Maramag,Bukidnon.
Giila ang biktima nga si Roland Lacson,hingkod ang panuigon ug nagpuyo sa maong lugar.
Gibutyag ni Bukidnon Provincial Police Office spokesperson Police Capt Jisselle Longgakit nga nga nagsakay sa multicab si Lacson kauban ang iyahang amahan ug pag-umangkon dihang gi-target kini pagpusil sa mga suspek nga sakay sa puti nga Toyota Fortuner .
Nakaangkon sa pinusilan ang biktima sa iyang ulo diin mi-resulta sa hinanaling kamatayon niini.
Gisuta pa sa mga otoridad kon unsa’y motibo sa kremin ug kon kinsa ang utok sa maong kremin.
