(Update) CAGAYAN DE ORO CITY-Gitakdang ipaubos sa state of calamity ang lungsod sa Kalilangan,Bukidnon.
Kini tungod sa miigo nga 5.3 magnitude nga linog diin nagresulta sa dakong kadaot sa govt buildings ug kabalayan sa katawhan ang apektado gikan sa lima ka barangay.
Gibutyag sa Bombo Radyo,gibutyag ni PDRRMC head Joan Israel Damasco nga partikular nga naigo sa pagtay-og ang mga kabarangayan sa Macaopao;Lampamusan;West Poblacion at Brgy Public diin nagbaton sa dakong kadaot.
Gisulti ni Damasco nga sagad sa mga brgy halls ug ubang imprastraktura sa maong mga barangay ang grabeng nangauba gumikan sa linog.
Kini ang hinungdan nga sulod sa basehan sa balaod nga ipaubos sa state of calamity ang Kalilangan tungod sa kadaot sa trahedya.
Una niini,apektado ang 429 pamilya o 559 indibidwal sa maong linog diin 10 kanila ang nagbaton sa mga bun-og.
Samtang,gi-kolekta pa usab sa local government officials ang data gikan sa mga naigo sa 4.2 nga linog sa lungsod sa Wao,Lanao del Sur.
Gibutyag sa Bombo Radyo ni Francis Garcia,head ng Wao Disaster Risk Reduction and Management Council nga hayan makumpleto nila ang kumpleto nga data sa hitabo sulod ning adlawa.
Namahayag si Garcia nga bugtong gipaniguro niini nga kapin sa 900 ka balay ang natala nga apektado sa maong linog.
