CAGAYAN DE ORO CITY-Gipaubos na sa state of calamity tungod sa 5.3 magnitude nga linog ang lungsod sa Kalilangan,Bukidnon.
Kini human nakaangkon sa dakong damyos ang kabalayan ug imprastraktura sa lima ka brgy sa maong lungsod sa miaging Setyembre 24 ning tuiga.
Gibutyag ni Bukidnon PDRRMC head Johan Israel Damasco nga natala usab sa 11 milyones pesos ang damyos sa kabtangan sa katawhan ug Kalilangan LGU.
Samtang natala usab ang kapin milyon pesos nga damyos sa kabtangan sa lungsod sa Pangantucan,Bukidnon.
Apektado sa maong linog ang 379 ka pamilya diin 11 ka residente ang naangol.
Samtang,nagsaka pa ang damyos sa 20 milyon pesos ang kadaot sa kabtangan sa gobierno ug katawhan sa 26 ka lungsod sa Wao,Lanao del Sur.
Kini epekto gihapon sa 4.2 magnitude nga linog nga unang miigo sa maong lungsod sa Setyembre 24 ning tuiga.
Gibutyag ni Wao Municipal Disaster Risk Reduction and Management Council chief Francis Garcia nga kapi’g libo ka pamilya usab ang apektado sa maong linog diin 13 ka tawo ang samaron atol sa hitabo.
