CAGAYAN DE ORO CITY-Posibleng mitala’g dakong damyos ang pagtay-og sa 4.5 magnitude nga linog nga adunay ginlawmon nga 2 kilometros sa lungsod sa Kalilangan,Bukidnon kaganihang kadlawon.
Kini human gilayong nawad-a sa suplay sa koryente ang pipila ka lungsod sa maong lalawigan.
Miingon si Philvocls regional director Marcial Labininay nga posibleng nahitabo ang tectonic in origin nga linog tungod sa paglihok sa faultlines nga nahimutang sa lungsod sa Wao,Lanao del Sur.
Dugang ni Labininay nga natala ang intensity 5 sa Kadingilan diin nawagtang ang koryente;intensity 4 sa Pangantucan;intensity 3 sa Maramag ug intensity 2 usab sa Don Carlos ug mismo dinhi sa syudad.
Sa pagkakaron,mihimo na’g pagpanubay ang mga opisyal sa maong mga lungsod kon unsa’y natala nga damyos epekto sa hitabo.
