CAGAYAN DE ORO CITY – Gi-enjoy karon ni WBO minimumweight champion Melvin ‘El Gringo’ Jerusalem ang vacation break kuyog ang iyang pamilya sa lungsod sa Manolo Fortich,Bukidnon.
Kini human unang gihataga’g init nga pagwelcom sa LGU-Manolo ang maong boksingero nga mikulit sa labing una sa kasaysayan sa Bukidnon isip world boxing champion.
Mismo si Bukidnon Vice Gov. Clive Quiño ang mi-abi abi sa iyang kababayan sa hingpit paghidangat ni El Gringo sa ilang lungsod.
Nunot niini,emosyonal nagpasalamat si Jerusalem sa iyang nadawatan nga hero’s welcome gikan sa ilang katawhan ug mga opisyal sa lungsod.
Si Melvin ang mi-kampeon kay iyang gipalukapa pinaagi sa technical knockouts sa 2nd two ang boksingerong Hapon nga si Masataka Taniguchi sa Osaka,Japan ning tuiga lamang.
Siya ang ikaduha nga aktibong boxing champion alang sa Pilipinas nga nagsunod kang Dave Apolinario nga reigning IBO world flyweight champion.
