CAGAYAN DE ORO CITY – Naka-sentro na lamang sa politika ang anggulo nga gitutukan sa kapolisan sa kamatayon sa duha ka brgy konsehal nga gipangpusil diha sa Brgy Dominorog,Talakag,Bukidnon.
Kini human isalikway na sa mga otoridad ang unang anggulo nga tungod sa bangi sa yuta sa mga lumad ang motibo sa kamatayon nila ni Kag Mauricio Guinto ug Lorenzo Pedyaan sa miaging Lunes sa buntag.
Gikompirmar ni Talakag Police Station commander Capt Dominador Orate Jr ang dugay nang bangi tali sa mga biktima ug Dominorog Brgy Kap Judith Ocum.
Kini ang hinungdan nga lakip sa giimbestigaran nila ang milangkob sa brgy council ilabina nga may laing duha ka testigo ang nakakita sa pagpusil sa wala mailang suspek ngadto sa mga biktima.
Una nang gisulti ni Ocum nga posibleng gipatay si Guinto kay may legal claim usab kini sa yutang kabilin sa ilang lugar.
