CAGAYAN DE ORO CITY – Gipapha ni Police Regional Office 10 Director Brig Gen Rolando Anduyan sa katungdanan si Bukidnon Provincial Police Director Col Roel Lami-ing sa Bukidnon.
Kini human nasuta nga dunay pagpasagad sa pagpatuman sa hugot nga seguridad batok kriminalidad sa maong probinsya.
Gihimo sa heneral ang paghulip kang Lami-ing tungod sa sunod-sunod nga pagpatay sa usa ka abogado ug pari sa simbahang Katolika sulod sa Malaybalay City sulod lamang ning bulana.
Maoy gihulip kang Lami-ing si kanhi Regional Intelligence Division chief Col Jun Mark Lagare epektibo kagahapong adlawa.
Una nang gipatay si Atty Winston Intong ug Rev Fr Rene Regalado sa magkalahing higayon diin usa pa lamang ang nahuptan nga suspected gun for hire paghuman sa hitabo.
