CAGAYAN DE ORO CITY – Giakusahan sa grupo ni presidential candidate Leodegario ‘Ka Leody’ de Guzman ang grupo ni Quezon Mayor Pablo Lorenzo III nga maoy mipapusil kanila kuyog ang tribung Manobo-Pulangiyon sa Brgy San Jose,Quezon,Bukidnon.
Kini human nag-resulta sa giingong lima ka Manobo members ang samaron sa dihang gipamusil sa mga sekyu nga nagbantay sa Kiantig Devt Corporation nga maoy nag-okupar sa 900 ka ektaryang yuta sa lugar.
Gibutyag ni Ka Leody nga igo lang nila gikuyugan ang maong mga lumad aron kuhaon ang maong yuta nga gitugot sa NCIP nga legal nila matukuran sa ilang mga balay.
Apan wala pa’y pila ka minutos,mga paka-paka sa armas na ang nabati ug mi-puntarya hinungdan nga samaron sila si Nanie Abela;Bae Charita Anglao del Socorro;Datu Didilusan Arroyo;Orlando Lingaolingao ug Eger Dabatian.
Samtang gipanghimakak ni Lorenzo nga duna siya’y kalambigitan sa pagpapusili sa grupo ni De Guzman sa Bukidnon kagahapon sa buntag.
Kini sukwahi sa akusasyon ni De Guzman nga iyang mga sekyu ang mihimo sa maong kremin.
Gibutyag sa mayor nga wala siya’y kalibutan kay kamulo sila nga pagpangampanya sa eleksyon sa dihang natigayon ang komosyon.
Giangkon ni Lorenzo nga kanhi siya empleyado sa kompanya apan wala siya’y kalabutan sa isyung legal sa yuta.
